Nám og kennsla á Netinu - Námskeiðslýsing

Nám og kennsla á Netinu vor 2002
Námskeiðslýsing

Markmið

Að þátttakendur:

* Nái góðu valdi á hönnun og tæknilegri uppsetningu og geti sett upp og haldið við vefsíðum tengdum kennslu og skólastarfi
* Geti útbúið fræðsluefni á Netinu á ýmiss konar formi.
* Geti búið til námsumhverfi og hannað námsferli á vef þar sem námsefnið, vinnusvæði nemenda, námsmat, samskipti og hópvinna mynda heild.
* Þekki til rannsókna og tilraunaverkefna um Netið í skólastarfi og geti tengt nýja tækni kenningum um nám og kennslu.
* Geti skipulagt ýmis konar nýtingu á Neti í skólastarfi
* Geti leiðbeint og ráðlagt skólastjórnendum og kennurum um Netnotkun.

Námsmat

Námsmat: Verkefni (sjá lista)

Verkefnaskilatímasetningar
Gert er ráð fyrir að verkefnum verði dreift á (deadline), þ.e. dreifa á önnina til að hjálpa nemendum við að dreifa álagi.
1. febrúar
1. mars
20. apríl
16. maí lokaskil á öllum verkefnum

Spurningar sem þú átt að geta svarað játandi eftir að þessu námskeiði lýkur:

* Getur þú sett upp vef sem er kynning á þér og því sem þú hefur gert? (persónulegur vefur)
* Getur þú skipulagt verkefnavinnu fyrir nemendur í þekkingarsamfélagi? (vefleiðangur)
* Getur þú útbúið námsefni fyrir nemendur í þekkingarsamfélagi? (kennsluvefur)
* Getur þú útbúið ýmis konar efni fyrir vefumhverfi? (ritgerðir, ýmis konar vefir)
* Hefur þú náð góðu valdi á verkfærum? (myndvinnsla og vefsíðugerð)
* Hefur þú prófað verkfæri til samskipta/gagnvirkni? (vefumræða, gagnvirkni á vefsíðum)
* Hefur þú haldið annál á vefnum alla önnina ? (blogger 2-3 sinnum í viku)
* Hefur þú kynnt þér upplýsingatækni í íslensku og erlendu skólastarfi?
* Hefur þú kynnt þér hugmyndir og námskenningar um hvernig Internettæknin verði best notuð í skólastarfi og hvernig hún gæti breytt skólastarfi?
* Hefur þú velt fyrir þér hvernig iðnaðarsamfélag er að breytast í þekkingarsamfélag
* Er til listi þar sem sjá má hvað þú hefur gert í tengslum við þetta námskeið? (skilasíða)

Athugasemdir/undanfari: Skyldunámskeið. Nær yfir eina önn.

Námskeiðslotur

Viðfangsefni/vinnulag: Leitast verður við að nota þær kennsluaðferðir sem byggja á veftækni og nýjum Netverkfærum sem mest í þessu námskeiði og þjálfa þannig nemendur til vinnu í slíku umhverfi. Nauðsynlegt er að nemendur hafi aðgang að fremur öflugri nýlegri tölvu á heimili eða vinnustað og hafi tök á að hlaða þar inn og prófa margs konar búnað.

Gert er ráð fyrir að námskeiðið skiptist í námslotur sem munu fjalla um:

Hönnun á kennsluvefjum/vefsíðugerð
Námsumhverfi á vefnum og Netsamskipti
Nýting í skólastarfi

Námið er bæði fjarnám og staðbundið nám.
Gert er ráð fyrir þessum námslotum:

1. Fjarnám 15. janúar til 23 janúar
2. Staðbundin lota 24-26 janúar
3. Fjarnám 27 janúar - 28 febrúar
4. Staðbundin lota 1- 2 mars
5. Fjarnám 3 mars - 17 apríl
6. Staðbundin lota 18 -20 apríl
7. Fjarnám 21 apríl - 16 maí

Þekkingarsamfélagið

Á þessu námskeiði skoðum við einnig þær hröðu breytingar á samskiptatækni sem nú eiga sér stað og reynum að spá í hvaða áhrif þessi tækni mun hafa eða hefur þegar haft á menntun og námsumhverfi og alla fræðslutengda upplýsingamiðlun í samfélaginu. Við skoðum einnig hvernig störf eru að breytast og hvernig námsumhverfi þarf að breytast til að búa nemendur undir gerbreytta starfshætti.

Námskeiðið hefst 15. janúar og stendur til 15. maí.

síðast breytt 7-jan-02